سياسة الخصوصية
آخر تحديث: 19 نوفمبر 2026
مين إحنا
ammarsalama.com هو موقع عمار سلامة. الصفحة دي بتشرح بنعمل إيه بالبيانات اللي بتبعتها من فورم «ابدأ هنا» على الموقع، أو من فورمات إنستجرام وفيسبوك اللي بتوصّل للصفحة دي.
بنجمع إيه
- اسمك ورقم موبايلك.
- إجاباتك على الأسئلة: بتدور على إيه، الميزانية أو حجم الشركة، المكان أو المجال، إمتى، وطريقة الدفع.
- منين جيت: الإعلان أو البوست اللي ضغطت عليه، والصفحة، ووقت الإرسال.
- عدد زيارات مجمّع، من غير كوكيز ومن غير ما نعرف إنت مين (Cloudflare Web Analytics).
الموقع مابيستخدمش كوكيز إعلانات، ومافيهوش بيكسل ميتا.
ليه
عشان نكلمك بخصوص طلبك ونوصّلك للشركة المناسبة. من غير اسمك ورقمك مش هنقدر نرد عليك.
وبنستخدم بيانات المصدر عشان نعرف أنهي إعلان أو بوست بيجيب طلبات مفيدة.
مين بيشوف بياناتك
فريق عمار سلامة، والشركة المناسبة لطلبك بس:
- بيت تعيش فيه: Dwell (dwellegypt.com)
- استثمار عقاري: Wallets (walletsproperties.com)
- AI لشركتك: Odynza (odynza.com)
البيانات بتتحفظ في Google Sheets (من Google) وبتوصل للفريق على الإيميل. مابنبيعش بياناتك، ومابنديهاش لحد تاني.
بنحتفظ بيها قد إيه
لحد 12 شهر من آخر تواصل بينا. لو بقيت عميل لشركة من الشركات دي، بتتبع سياسة الشركة نفسها.
حقوقك
تقدر تطلب تشوف بياناتك، أو تصححها، أو تمسحها، أو توقف التواصل معاك في أي وقت. ابعت رسالة على إنستجرام لـ @ammarsalama7، وهننفّذ طلبك خلال 14 يوم.
لو غيّرنا حاجة
هنحدّث الصفحة دي والتاريخ اللي فوق.